DIE SABBAT 3 - Steven Dubee

Was die Sabbat in die Nuwe Testament onderhou? 

Jesus?

Luk 4:31 En Hy het afgekom na Kapérnaüm, ‘n stad van Galiléa, en hulle op die sabbat geleer. Luk 13:10 En Hy was besig om op die sabbat in een van die sinagoges te leer. Luk 6:6 En op ‘n ander sabbat het Hy in die sinagoge gegaan en geleer. En daar was ‘n man, en sy regterhand was uitgedor. Luk 4:16 Toe kom Hy in Násaret waar Hy opgevoed was; en soos Hy gewoond was, gaan Hy op die sabbatdag in die sinagoge en staan op om te lees.

Apostels? 

Han 17:2 En volgens sy gewoonte het Paulus na hulle gegaan en drie sabbatte lank met hulle gespreek uit die Skrifte Han 18:4 En hy (Paulus) het elke sabbat in die sinagoge gespreek en Jode sowel as Grieke oortuig.

Han 13:14 Maar hulle (Paulus en Barnabas) het van Perge af verder gegaan en in Antiochíë in Pisídië aangekom, en hulle het op die sabbatdag in die sinagoge gegaan en gaan sit.

Jode en Heidene? 

Han 18:4 En hy het elke sabbat in die sinagoge gespreek en Jode sowel as Grieke oortuig. Han 13:44 En op die volgende sabbat het byna die hele stad saamgekom om die woord van God te hoor.

Han 13:42 En toe die Jode uit die sinagoge gaan, het die heidene versoek dat daardie woorde op volgende sabbat tot hulle gespreek sou word. 

Ons sien hier dat nie net die Jode nie, maar ook die Grieke die Sabbat onderhou het.

Die Sabbat was beslis nie net vir die Jode nie. Die geestelike Israël moet dit ook onderhou.

Sal die Sabbat nog bestaan met die Wederkoms? 

Mat 24:20 En bid dat julle vlug nie in die winter of op die sabbat mag plaasvind nie. 

Die teksgedeelte praat van die wederkoms; maw, die Sabbat sal nog bestaan wanneer Jesus kom.

Sal die Sabbat in die hemel onderhou word? 

Jes 66:22-23 Want soos die nuwe hemel en die nuwe aarde wat Ek maak, voor my aangesig sal bestaan, spreek die HERE, so sal julle nageslag en julle naam bestendig wees.

En elke maand op die nuwemaan en elke week op die sabbat sal alle vlees kom om te aanbid voor my aangesig, sê die HERE. 

 

Die Sabbat sal in die Nuwe Jerusalem ook onderhou word.

Ander Sabbatskrifte 

Mar 2:27 En Hy sê vir hulle: Die sabbat is gemaak vir die mens, nie die mens vir die sabbat nie. 

Dit is gemaak dat die mens daaruit kan baat vind. ‘n Dag waar niks anders saak maak as om in God se teenwoordigheid te wees nie Mar 2:28 Daarom is die Seun van die mens Here ook van die sabbat.

Jes 58:13-14 As jy jou voet terughou van die sabbat—om nie jou sake op my heilige dag te doen nie, en as jy die sabbat ‘n verlustiging noem en die heilige dag van die HERE hooghou; en as jy dit eer deur nie jou gewone gang te gaan nie, nie geleentheid vir jou sake soek of ydele taal spreek nie dan sal jy jou verlustig in die HERE, en Ek sal jou laat ry oor die hoogtes van die aarde en jou laat geniet die erfdeel van jou vader Jakob; want die mond van die HERE het dit gespreek. 

Jes 56:2 Welgeluksalig is die mens wat dit doen en die mensekind wat daaraan vashou; wat die sabbat hou, sodat hy dit nie ontheilig nie, en sy hand terughou, dat dit geen kwaad doen nie.

Vader, ons dank U vir U openbaring. Gee dat ons dit sal toepas en onthou in ons daaglikse wandel met U en ons medemens. Ons vra dit in die naam van Jesus. 

Amen.