DIE STRUKTURE VAN PROFESIE 1

DIE  STRUKTURE VAN PROFESIE  Chiasma - Steven Dubee

Hierdie manier van skryf bewys onomwonde dat Die Bybel deur God geïnspireer was. Die skryfstyl word Chiasma genoem. 

Indien u 'n boek begin lees maar u is te nuuskierig oor die klimaks, kan u in baie gevalle die laaste hoofstuk gaan lees en nog steeds weet wat die storie was; met chiasma is dit nie moontlik nie. 

Met chiasma is daar 'n opbouing tot in die middel, dan word inligting basies in truraat herhaal vanaf die middel, sodat inligting wat aan die begin deurgegee word, weer aan die einde gevind word. Die Bybel is as 'n geheel in die vorm geskryf; maar individuele boeke van die Bybel ook. 

Ek dink u sal beter verstaan met voorbeelde.

Gen 1 & 2 Die paradys voor die sondeval - Openbaring 21 & 22 Die Nuwe Jerusalem en die herstel van die paradys.

Gen 3 satan bring sonde in die paradys - Openbaring 20 satan gestraf en sonde word weggeneem.

Kom ons kyk na die sondvloed; Gen 6 tot 9. Kyk hoe dit opbou van voor en agter tot 'n klimaks in die middel.

Gen 6:10 Noag en sy seuns - Gen 9:18,19 Noag en sy seuns

Gen 6:13 God gaan die lewe op aarde uitwis - Gen 9:15 tot 17 God gee teken dat Hy nooit weer lewe op aarde sal verdelg deur vuur nie.

Gen 6:13 Aarde vervloek - Gen 9:13 tot 17 Aarde geseën

Gen6:14 tot 16 Ark Gen 9:10 Ark

Gen 6:17 tot 20 Lewende wesens in die ark - Gen 9:10 Lewende wesens verlaat die ark.

Gen 6:21 Voedsel - Gen 9:3 Voedsel

Gen 7:2 & 3 Diere in die mens se hand - Gen 9:2 Diere in die mens se hand oorgegee.

Gen 7:13 tot 16 Bestyg die ark Gen 8:15 tot 19 Verlaat die ark.

Gen 7:16 tot 19 Watervlakke styg - Gen 8:13 & 14 Watervlakke daal

Gen 7:20 Bergtoppe bedek - Gen 8:5 Bergtoppe raak sigbaar.

Gen 8:1 Dit is die klimaks van die verhaal. God dink aan Noah en sy familie en al die diere.

U kan sien hoe hierdie storie op gebou het dan weer terugkeer na die begin. Jy vind ook waar teksverse oor verskillende boeke saam in 'n lering vasgevang moet word om die hele prent te kan bou.

Dan 12:4 Daniël kry opdrag om 'n profesie geheim te hou tot aan die einde toe.

Ope 22:10 Dit is die einde; niks mag meer teruggehou word nie. 

Moenie verbaas wees omdat u nou eers kennis neem van inligting wat nog altyd in u Bybel was nie.

Die hele Opebaring is ook in die styl geskryf.

Ek gaan net Ope 1:1-8 teenoor Ope 22:6-21 stel. U sal met verdere studie sien hoe alles na die middel lei.

Ope 1:1 Wat gaan gebeur - Ope 22:6 Wat gaan gebeur

1:2 Getuig van Jesus - 22:16 Getuig van Jesus

1:3 Salig is hy wat die profesie lees, hoor en bewaar - 22:7 Salig hy wat die profesie bewaar (Teen die tyd behoort u dit klaar gelees en gehoor het)

1:7 Jesus kom - 22:12 & 20 Jesus kom

1:8  Jesus is die Alpha en Omega - 22:13 Jesus is die Alpha en Omega.

Die Bybel is wel deur die mens geskryf maar dit is duidelik dat dit nie kon gebeur het sonder God nie. Wat dit meer merkwaardig maak is dat van die skrywers nie eers in dieselfde tydperk geleef het nie en tog kan en moet die Bybel as 'n eenheid gelees en beskou word.

Mense probeer baie hard om teenstrydigheid in die Bybel te vind net om met deuglike studie uit te vind daar is geen.

Om die rede waarsku God ons ook om niks weg te neem of by te voeg nie want jy kan die chiasma breek.

Ope 22: 18 & 19 'Want ek betuig aan elkeen wat die woorde van die profesie van hierdie boek hoor: As iemand by hierdie dinge byvoeg, dan sal God oor hom die plae byvoeg waarvan in hierdie boek geskrywe is.

En as iemand iets van die woorde van die boek van die profesie wegneem, dan sal God sy deel wegneem uit die boek van die lewe en uit die heilige stad en uit die dinge waarvan in hierdie boek geskrywe is.'

Mat 5:18 & 19 'Want voorwaar Ek sê vir julle, voordat die hemel en die verbygaan, sal nie een jota of een titteltjie van die wet ooit verbygaan totdat alles gebeur het nie.

Elkeen dus wat een van die minste van hierdie gebooie breek en die mense só leer, sal die minste genoem word in die koninkryk van die hemele; maar elkeen wat dit doen en leer, hy sal groot genoem word in die koninkryk van die hemele.'

God het Sy stempel beslis op Sy Woord afgedruk.